Otsailaren 16tik apirilaren 13ra, Tabakalerak kontsulta areto batean ikusgai jarriko ditu eraikinaren Berritze Arkitektonikorako Lehiaketara aurkeztutako 60 proiektu.
Eraikineko patio handietako batean egokitu den kontsulta aretoan lehiakideen, profesionalen eta interesaturik egon litekeen publikoaren esku jarriko dira Arkitektura Lehiaketara aurkeztutako proposamenak. Guztira 480 panel izango dira, irudi, plano eta azalpen testuekin hornituak. Kontsulta areto hau zabalik egongo da apirilaren13ra arte, astelehenetik igandera, arratsaldeko 17:30etik 20:30era. Sarrera doakoa izango da.
Jada ezaguna den proiektu irabazleaz gain (Jon eta Naiara Montero arkitektoek aurkeztua), areto honek interesa duen publikoari hainbat arkitektok egindako lana aztertzeko eta benetan estua eta konplexua zen programa bati emandako erantzun askotarikoak estudiatu eta kontrastatzeko aukera eskainiko dio.
Otsailaren 16tik APIRILAREN 13ra
Egunero, 17:30etik 20:30era
