TABAKALERA

Irailaren 5 eta 6an burutuko da Content curator. Intermediario del conocimiento: Nueva profesión para la web 3.0 ikastaroa. Tabakalerak XXX. Udako Ikastaroen antolakuntzarekin bat egin du eta Arantza Mariskal, Tabakalerako mediatekako arduraduna izango da ikastaro honen zuzendaria.

Informaziorako sarbidea eskaintzen diguten baliabide berriek lanbide berriak sortzea eragin dute. Beharrezkoa da, beraz, profil profesional berriak heztea, beste batzuk sortzen dituzten edukiei zentzua eman eta eduki horiek euren artean erlazionatzen lagunduko duten profesionalak; edukirik onenak eta aipagarrienak aurkitzeko lan egingo dutenak. Horiek dira Content curator-ak.

Content curator-a gai zehatzen inguruan ahalik eta kalitate altueneko edukien eta baliabide onenen bilaketa eta hautaketa pertsonalizatua egiteaz arduratzen den profesionala da, sarean kalitatezko informazioa bilatzen dutenentzat berebiziko garrantzia duen zerbitzua eskaintzen duena.

Ikastaro honen helburuak honako hauek dira: informazioaren masifikazioak dakartzan arazoen aurkezpena, content curator-aren ezaugarriak eta egitekoak identifikatzea eta datuak ikustarazteko modu berriak erakustea. Horretarako ibilbide gai horietan adituak diren hainbat profesionalen laguntza izango dugu, hala nola, Juan Freire, Dolors Reig, Patrick Bazin, Nieves González, Pablo Garaizar edo Juan Carlos Vergara.



Ikastaroa, batik bat, informazioaren kudeaketan lan egiten duten pertsonei (dokumentalistak, webmasterrak, liburuzainak...) eta informazioaren erabiltzaileei (irakasleak, ikerlariak, kazetariak, ikasleak...) zuzendurik dago.

MATRIKULA

Dagoeneko zabalik dago ikastaroan izena emateko epea. Matrikula maiatzaren 31 baino lehen osatzen dutenek 55 euro ordaindu beharko dituzte, eta data horretatik aurrera 66 euro ordaindu beharko dira.
Ikastaroari buruzko informazio gehiago: http://www.sc.ehu.es/scrwwwsu/index.ht