UN CHIEN ANDALOU. 80 urteren buruan
Irailaren 17tik azaroaren 8ra arte Tabakaleran
Asteartetik igandera 11:00-14:00/17:00-20:00. Sarrera libre
Bisita gidatuak: 620 676 095
Erakusketako eskuorria
Inaugurazioa: irailak 17, 20:00etan
Antolatzailea: Kultur Ospakizunen Estatuko Elkartea
Laguntzailea:
Tabakalera“Maite ditut ametsak, nahiz eta nire ametsak gehienetan amets-gaiztoak izan. Ezagunak ditudan eta ez ditudan oztopoz beterik daude. Ametsek berezkoa duten eromena da, sekula azaltzen saiatu ez naizena, Surrealismora hurbildu nauen joera nabarmenetako bat. Un chien andalou nire amets bat Dalíren beste batekin bateratzean sortu zen”. Luis BuñuelUN CHIEN ANDALOU. 80 urteren buruan zinema historiaren lanik garrantzitsuenetako bati eskainitako omenaldia da. Bere garaikidetasuna
agertu eta ikusizko kultura garaikidean izan duen, eta duen, eragina azpimarratzea helburu duen ekimena.
1929an Luis Buñuelek
Un chien andalouren gidoia idatzi zuen, Salvador Dalírekin elkarlanean. Askok “maisulan” gisa definitu zuten filma, iraultza eragin zuen harribitxia, Surrealismoaren ezaugarriak barnebiltzen dituena.
Surrealismoarekin duen loturaz haratago, pelikulak baditu ikuspegi ezberdin eta garaikide batetik aztertu daitezkeen hainbat elementu. Proiektu hau berritzaile bilakatzen duena bere sormen-unibertsoaren azterketa berezitua da, erabiltzen dituen gaiak, bere garaiarekin duen lotura eta ondoren izan duen eragin zabala.
2009an filmak laurogei urte betetzen ditu, baina horretaz gain, orain aurkezten dugun proiektuak pelikula egituratzen duen harreman eta esanahien sarea askatzea du jomuga, filma ikuspegi ezberdinetatik aztertzea. Erakusketak XX. mendeko ikusizko arteen esparruan mugarri izan zen proiektu honen singularitatea eta garrantzia agertuko du.
Erakusketak pelikularen analisi sakona egin nahi du. Diziplina ezberdinetako piezak eta dokumentuak izango dira bestean ikusgai: argazkiak, prentsa-artikuluak, gidoiak, aldizkariak, margoak... Ikus-entzunezkoak garrantzia berezia izango du: pelikula zatiak (Buñuelenak eta beste hainbat egilerenak, lehenagokoak eta ondorengoak), Un chien andolouren bertsio berritua eta pelikularen garaiko soinuzko dokumentazioa (Buñuel eta Dalíri eginiko elkarrizketak) egongo dira bisitariarentzat erabilgarri.
Obrekin batean, ikusizko elementuek eta diseinuak garrantzia berezia izango dute erakusketaren muntaian.
