Iazko apirilaz geroztik Tabakalera obretan dago, eraikinaren berrikuntza arkitektonikoan lanean ari gara.
Beraz, webgune honetan iragartzen diren jarduerak beti beste kokaleku batzuetan burutuko dira, ez Tabakaleran. Kasu bakoitzean zehaztuko da ekitaldia edo jarduera non den eta behar izanez gero bertara iristeko jarraibideak ere eskainiko dira.
Mila esker eta barkatu eragozpenak.
María PTQK-k emandako hitzaldia ikusgai. Teknologia berriak eta nekazal-jarduerak uztartzen dituen LandArea egitasmoaren baitan kokatua.
JOLASEAN. JOKOA IKASTEKO ETA HEZTEKO PLATAFORMA GISA
Susana Tesconi, Laia Sánchez, Víctor Casado
Urtarrilaren 27tik 31ra, Tabakalera esperimentu berri batean murgilduko da: estatu mailan egingo den lehenengo Book Sprint-a antolatu dugu. Eta, zer da Book Sprint bat? 3-5 egunez pertsona talde bat elkartzen duen aktibitatea da, elkarbizitza eta lan-saio intentsiboen bidez, modu kolaboratiboan eta dinamizatutako prozesu baten bitartez, liburu bat idazteko helburuarekin.
Horixe da Tabakalerak egin duen apustua. Euskal Herritik zein estatuko hainbat txokotatik etorritako 12 gonbidatu, guztiak kultura garaikidean, kultura librean, artean, teknologian, arte- eta gizarte-praktika berrietan... adituak, bost egunetako elkarbizitza egingo dute,"Kode irekiko praktika kulturalen dekalogoa" izenburua izango duen liburua idazteko helburuarekin. Jarraitu irakurtzen >>
DEIALDIA
Tabakalerak eta Asmoz Fundazioak Informazioaren Kudeatzailea eta Bitartekaria ikastaroaren 3. ediziorako deialdia zabaldu dute.
Programaren helburua profil hori izango duten pertsonak trebatzea da, aholkulari eta bitartekari lanak egin ditzan adin, lanpostu eta ikasketa maila orotako herritarren eta informazio polifazetiko eta aldakorraren artean.
